Чемпион өз-өзіне қол жұмсап қайтыс болды
Ауыр атлетикадан Қазақстанның төрт дүркін чемпионы, Владимир Седов өзі тұратын Жетісу облысы Қаратал ауданындағы Достық ауылындағы үйінде өлі күйінде табылды.
Туыстарының айтуына қарағанда, ол өз-өзіне қол жұмсаған. Облыстық полиция департаментінің баспасөз қызметі «Өзін-өзі өлтіруге итермелеу» бабы бойынша тергеу басталғанын хабарлады.
Владимир Седов – Қазақстанның еңбек сіңірген спорт шебері, халықаралық дәрежедегі спорт шебері. 2009 жылы халықаралық турнирлерде сәтті өнер көрсеткені үшін «Құрмет» мемлекеттік орденімен марапатталған.
2016 жылы Халықаралық ауыр атлетика федерациясы (IWF) 2008 жылғы Бейжің ойындарына қатысқан бірнеше қазақстандық спортшының оның ішінде Владимир Седовтың қайта тексерілген сынамасынан тыйым салынған «станозолол» препаратының ізі табылғанын хабарлаған болатын. 2019 жылы IWF Владимир Седовтың 2008-2016 жылдардағы титулдарынан ресми түрде бас тартты. 2018 жылы шамамен екі жылға созылған тергеуді аяқтағаннан кейін Седов ресми түрде сегіз жыл мерзімге дисквалификацияланған болатын.
2021 жылы Владимир Седовтың үлкен ағасы Сергей Седов 25 жастағы ауыр атлет Альберт Линдердің қайтыс болуынан және ұлттық құраманың бұрынғы спортшыларының айыптауынан кейін көп ұзамай Қазақстан ерлер құрамасының бас бапкері қызметінен босатылған болатын.
