Қазақстан ұлттық құрамасының бас бапкері Станислав Черчесовтің қазақ тілін кемсітуге тырысқаны туралы бейнематериал кеңінен таралып, қоғам тарапынан наразылық туғызған болатын, деп хабарлайды Malim.kz.
Туризм және спорт министрі Ербол Мырзабосынов осы жайтқа қатысты пікір білдірді.
Министр бас бапкердің міндеті ұлттық құраманы жаңа деңгейге шығару екенін атап өтті.
Сонымен қатар ол мәселені ары қарай өршітпей, кешірімді болуға шақырды.
Құрметті достар! Әрине, Станислав Черчесовтің «француз тіліне» қатысты қалжыңы орынсыз болды. Мұны Қазақстан футбол федерациясы да, бапкердің өзі де бек түсінеді. Дегенмен Черчесовтің басты міндеті – ұлттық құраманы жаңа деңгейге шығару. Ендеше, оған ең алдымен кәсіби қызметіне қарап баға беруге шақырамын. Сондықтан мәселені одан әрі өршіте бермей, халқымызға тән кеңпейілдік танытқанымыз абзал, - деп жазды министр әлеуметтік желідегі парақшасында.
Фото: gov.kz
Байланысты жаналықтар
MalimBlocks
