20 маусым күні Еуропа чемпионатының аясында Сербия – Словения, Англия – Дания және Испания – Италия кездесулері өтті, деп хабарлайды Malim.kz.
С тобының 2-турында Мюнхенде Словения мен Сербия тең ойнады.
Матчтың 69-минутында словениялық қорғаушы Жан Карничник есеп ашса, 90+6-минутта Сербия шабуылшысы Лука Йович таразы басын теңестірді.
Англия Данияны жеңе алмады
С тобының 2-турында Франкфурттегі «Дойче Банк Парк» стадионында өткен кездесу де тең аяқталды. Даниямен кездескен Англия құрамасы 1:1 есепті қанағат тұтты.
18-минутта ағылшын шабуылшысы Гарри Кейн қарсылас қақпасын дәл көздесе, 34-минутта даниялық жартылай қорғаушы Мортен Юльманн бір голмен жауап қатты.
Екі турдан соң Англия С тобында төрт ұпаймен көш бастап тұрса, Дания екі ұпаймен екінші орында келеді.
«Өлім тобындағы» қақтығыс
В тобындағы екінші тур ойындары Гельзенкирхенде өтті. Испания 55-минутта италиялық қорғаушы Рикардо Калафьоридің автоголының арқасында жеңіске жетті – 1:0.
Бұл жеңіс Испанияның плей-офф кезеңіне өтуге себеп болды. Хорватия (3:0) мен Италияны (1:0) жеңген испандар алты ұпайға иелік етті.
14 маусымда басталған футбол аламын 14 шілдеге дейін жалғасады.
Фото: Getty Images
Байланысты жаналықтар
MalimBlocks
