Румыния мен Нидерланд құрамалары Еуро-2024 турнирінің 1/8 финалында кездесті, деп хабарлайды Malim.kz.
Мюнхенде өткен кездесуде жалпы үш гол соғылды.
Ойынның 20-минутында Нидерланд командасының шабуылшысы Коди Гакпо Флорин Ниценің қақпасынан саңылау тауып, турнирдің үздік бомбардирлері Джамал Мусиала (Германия), Иван Шранц (Словакия) және Джордж Микаутадзе (Грузия) қатырына қосылды. Барлығы 3 голдан соғып үлгерді.
Сондай-ақ Гакпо 63-минутта тағы бір гол соқты, бірақ офсайдқа байланысты оның добы есептелмеді.
Дегенмен голлландиялықтар 83-минутта тағы бір гол салып, есепті 2:0-ге жеткізді. Гол авторы - Дониэлл Мален.
Қосымша уақытта Мален қарсы шабуылға қашып шығып, дубль жасап, матчқа нүкте қойды. Қорытынды есеп - 3:0.
Енді 1/4 финалда Рональд Куманның командасы Австрия - Түркия жұбының жеңімпазымен ойнайды. Бұл матч бүгін Астана уақытымен сағат 00:00-де басталады.
Естеріңізге сала кетейік, Румыния құрамасы Бельгия, Словакия және Украина командалары қатысқан топтан 1-орын алып, плей-оффқа сенсация жасап шыққан еді.
Фото: x.com/EURO2024
