Қазақстанның Ұлттық Олимпиадалық комитетінің президенті Геннадий Головкин мен Туризм және спорт министрі Ербол Мырзабосынов 2025 жылғы Азия ойындарында Қазақстан құрамасымен кездесу өткізді деп хабарлайды Malim.kz.
Іс-шара туралы толық ақпарат ҚР ҰОК ресми сайтында берілген. Айта кетейік, Головкин мен Мырзабосынов спортшыларымызды Азия ойындарындағы алғашқы жүлделерімен құттықтап, алдағы уақытта табыс тіледі. Естеріңізге сала кетейік, жарыстың алғашқы медаль күнінде Қазақстан қоржынына шорт-трек, конькимен жүгіру және шаңғы жарысы бойынша үш күміс медаль түсті. Бүгін шорт-трекші ерлер құрамасы алтын медаль иеленді.
Жеңіс тұғырына көтерілген спортшыларымызды шын жүректен құттықтаймыз.
Мен сіздермен бірге болғаныма қуаныштымын және Азия ойындарында өнер көрсету, осындай ірі спорттық іс-шарада еліміздің атынан шығу қаншалықты маңызды және жауапты екенін түсінемін. Жалпы табысқа барлығы өз үлесін қосады. Бәріңізге жарқын жеңістер мен жаңа жетістіктер тілеймін», - деді Головкин.
Мырзабосынов мысал ретінде ҰОК басшысы, жеңіл атлетикадан Олимпиада чемпионы Ольга Рыпакованы келтірді, ол да шараға қатысып, Харбин қаласында Халықаралық Олимпиада комитетінің президентімен кездесті.
Ел қоржынына тағы үш күміс жүлде қосылды. Қазақстанның халықаралық мәртебесін нығайтуға қосқан үлестеріңіз үшін алғысымды білдіремін. Сіздерді жеңіске сенетін мыңдаған жанкүйер қолдайды. Геннадий Головкин мен Ольга Рыпакова сынды ұлы спортшылардың жетістіктері мен жеңістері баршаңызды жаңа белестерге шабыттандырсын» деп келтіреді Мырзабосыновтың сөзін Қазақстан Республикасы Туризм және спорт министрлігі.
Қытайдың Харбин қаласында өтіп жатқан Азия ойындары 14 ақпанға дейін жалғасады.
Фото: ҰОК
