Легионерлердің ұлттық құрамаға шақыртылмауының себебі анықталды
Швециялық хоккейшінің айтуынша, Қазақстан легионерлерді құрамаға шақырмау туралы шешім қабылдаған.
Қазақстан құрамасы мен «Барыс» клубының қорғаушысы Виктор Сведберг неліктен Қазақстан сапында өнер көрсетпей жүргенінің себебін түсіндірді, деп хабарлайды Malim.kz.
Шынымды айтсам, неге Қазақстан құрамасының сапында айдынға шықпайтыныма нақты жауап бере алмаймын. Бұған дейінгі әлем чемпионатынан екі апта бұрын олар маған хабарласып, құрамаға шетелдік ойыншыларды қоспайтынын айтты. Барлық шетелдікті шектеп, құрамада ойнауға тыйым салды, ол әлі күнге дейін жалғасып жатыр. Түсінуімше, Қазақстан хоккей федерациясы мен үкімет осындай шешім қабылдаған.
– Неліктен Қазақстан азаматтығын алуға келістіңіз?
– «Барыс» сапында екі маусым өткіздім, сонан соң әлем чемпионатында ұлттық құрамаға қосу туралы мәселе көтеріле бастады. Бұл ұсыныс маған қызық көрінгені рас, себебі ешқашан Швеция құрамасында әлем чемпионатына қатысуға мүмкіндігім болмаған.
Азаматтық алудың тағы бір артық тұсы – ҚХЛ-да легионер саналмайтындығың. Бірақ Ресейдің Украинаға соғысынан соң жағдай түгелдей өзгеріп кетті. Мұны білгенде басқаша шешім қабылдар едім.
– Қазақстан хоккей федерациясы шешім қабылдамас бұрын ақша ұсынды ма?
– Жоқ. Олар паспорттың ҚХЛ-дағы артықшылығын жақсы білді. Себебі құрамада да, клубта да ойнай аламын деп ойладым.
– Болашақта Қазақстан құрамасына шақыртылуыңыз мүмкін бе?
– Білмеймін. Былтыр ұшаққа билетім болды, әлем чемпионатына барғалы жатқанмын, бірақ хабарласып жаңағы әңгімені айтты. Содан бері олар маған хабарласқан жоқ.
Фото: championat.com
Байланысты жаналықтар
MalimBlocks
