Франция құрамасы мен мадридтік «Реал» командасының шабуылшысы Килиан Мбаппенің басы дауға қалды. Оған жыныстық зорлық-зомбылық көрсетті деген айып тағылып отыр.
Тергеу мәліметтері бойынша, оқиға Швециядағы қонақүй кешенінде болған. Онда Мбаппе жеке сапарымен барған. Зардап шеккен әйелдің айтуынша, ол бірден жергілікті құқыққорғау органдарына арызданыпты.
Журналист Ромен Молин осыған байланысты «Реал» футбол клубында шұғыл кеңес өткенін хабарлады. Клуб басшылығы жағдайды және оның ойыншы үшін мүмкін салдарын талқылады. Сондай-ақ олар тергеу барысын бақылап отыратындарын жеткізді.
25 жастағы Мбаппе «Реалға» «Пари Сен-Жерменнен» жазғы трансфер терезесіне еркін трансфермен ауысып, жаңа клубы үшін 11 матчта жеті гол соқты.
Ол кеткен кезде «ПСЖ»-мен қарым-қатынасы нашарлады. Қазіргі уақытта Мбаппе төленбеген жалақы бойынша сот ісін жүргізуге дайындалып жатыр - «ПСЖ» оған 55 миллион еуро қарыз екен. Осы мәселе бойынша тыңдаулар сейсенбіде өтуі керек болған. Мбаппеге қатысты жанжал туралы жаңалықтар тыңдаудан бір күн бұрын пайда болған.
Футболист өзіне жалған айып тағылғанын айтып отыр.
- Жалған жаңалықтар!!! Алдын ала болжауға болатын жағдай екен. Тыңдауға бір күн қалғанда бұл кездейсоқтық болуы мүмкін бе? – деп жазды ол әлеуметтік желіде.
«Бүгін шведтік Aftonbladet бұқаралық ақпарат құралдары жала жабу туралы жаңа қауесет таратты. Бұл айыптаулар мүлдем шындыққа жанаспайды және өте жауапсыз, ал олардың таралуы қолайсыздық тудырады. Оның имиджін бұзуды тоқтату мақсатында Килиан Мбаппеге моральдық қорлық көрсеткен және оған жала жабуға қатысы бар кез келген адамның немесе бұқаралық ақпарат құралдарының ақиқатын қалпына келтіру және қудалау үшін барлық қажетті заңды шаралар қабылданады», - делінген AFP агенттігі жариялаған мәлімдемеде.
Фото: РИА Новости / Алексей Филиппов
