Париж Олимпиадасы Қазақстан спорт тарихында антирекорд орнатты

Алматыда 26 шілде мен 11 тамыз аралығында Парижде өтетін XXXIII жазғы Олимпиада ойындарына қазақстандық олимпиадашыларды шығарып салу рәсімі өтті, деп хабарлайды Malim.kz.
Төрт жылда бір келетін басты спорт жарысына 205 елден 10 мыңнан астам спортшы өнер көрсетеді. Олар 32 спорт түрінен 329 марапат үшін таласады. 

Қазақстан осы жолы 92 лицензияға ие болды. Францияда еліміздің 80 атлеті спорттың 25 түрінен өнер көрсетеді. Оның ішінде 54 спортшы (67%) Олимпиада ойындарына алғаш рет барып отыр. 

Айта кетейік, Қазақстандық делегацияның 80%-ға жуығы былтыр Гуанчжоуда өткен Азия ойындарында өнер көрсеткен спортшылардан құралған. 
Қазақстан құрамасының ең жас олимпиадашысы - 17 жастағы Батырхан Төлеуғали (таэквондо), ал ең еңдесі – 37 жастағы Эльмир Әлімжанов (семсерлесу). Ең тәжірибелі спортшымыз - 31 жастағы Владислав Яковлев (ескек есу). Себебі ол өзінің 4-ші Олимпиадасына қатысып жатыр. 
Қазақстан Францияға өз тарихында ең кішкентай делегациямен, яғни 80 спортшымен аттанды. Бұл Қазақстан спорт тарихындағы антирекорд. Біздің елімізден ең көп спортшы қатысқан Олимпиада Бейжіңдегі 2008 жылғы ойындар еді. Ол кезде 22 спорт түрі бойынша 132 спортшы бақ сынады. Алдыңғы антирекорд 2020 жылғы Токио Олимпиадасына тиесілі. Ол кезде 19 спорт түрінен 93 спортшымыз қатысқан болатын. 

Фото: Туризм жəне спорт министрлігі