Қазақстан ойыншысы Нұралы Әліпке атақты “Манчестер Юнайтед” қызығуда 

Қазақстан құрамасының қорғаушысы Нұралы Әліп ағылшын клубының назарына іліккен. Ол енді алдағы уақытта “Манчестер Юнайтед” командасының сапында доп тебуі мүмкін.

Malim Админ

  • 22.11.2023

Ағылшын клубы Словенияда өткен соңғы матчқа арнайы скауттарын жіберген. Бұл туралы BasSport.kz. порталы мәлімдеді. 

Порталдың жазуынша, «Манчестер Юнайтед» қорғанысқа лайықты адам таппай жатыр. Өйткені Рафаэль Варан жарақат алған. Ал Харри Магуайр мен Джонни Эванс сенімсіз. Оның үстіне Нұралы сол аяқпен өте сауатты өнер көрсетеді делінген. «Трансфермакет» порталы қазақстандық футболшыны 2 миллион евроға бағалап отыр. 

23 жастағы Нұралы Әліп өткен жылдың ақпан айынан бері ресейлік «Зенит» сапында ойнайды. Санкт-Петерборлық клуб оны алматылық «Қайраттан» 2 миллион еуроға сатып алған болатын.