Қазақстан волейболшылары Паралимпиадада Францияны ұтты
А тобында Қазақстан, Франция, Босния және Мысыр ойнайды
Волейболды отырып ойнаудан ұлттық құрама Париж-2024 Паралимпиада ойындарын жеңіспен бастады.
XVII Жазғы Паралимпиада ойындарының топтық кезеңіндегі алғашқы матчында Қазақстанның волейболды отырып ойнаудан құрамасы Францияның командасын 3:0 есебімен жеңді.
Еске сала кетсек, Париж Паралимпиадасына 8 команда қатысады және олар екі топқа бөлінген.
А тобында Қазақстан, Франция, Босния және Мысыр ойнайды. Ал «B» тобында Иран, Украина, Бразилия және Германия құрамалары бақ сынайды.
Қазақстан құрамасының келесі ойыны 31 тамызда Астана уақытымен 17:00–де басталады.
Париж Паралимпиадасына волейболды отырып ойнаудан ұлттық құрама 28 жылдан кейін алғаш рет қатысып отыр.
Айта кетсек, 29 тамызда парааеквондодан қазақстандық Милана Красавцева жұбаныш кездесуінде мысырлық спортшыға есе жіберіп, жарыс жолын ерте аяқтады.
Қазақстан құрамасының спортшылары Париж Паралимпиадасына спорттың 9 түрінен 33 лицензия жеңіп алды. Жарыс 28 тамыз бен 8 қыркүйек аралығында өтеді.
Фото: ҰОК
