Құзға өрмелеуден «Бурабай-2024» республикалық фестиваль өтті
Фестиваль Р. Қошқарбаевтың 100 жылдығына және Астана күніне арналған
Бурабай демалыс кентінде Халық қаһарманы Рахымжан Қошқарбаевтың туғанына 100 жыл толуына және Астана қаласының туған күніне орай 5-ші мәрте құзға өрмелеуден «Бурабай-2024» республикалық фестивалі өтті, деп хабарлайды Malim.kz.
Спорт және дене шынықтыру комитетінің мәлумдеуінше, ауқымды жарысқа Астана, Көкшетау, Шучинск қалалары мен Ақмола, Қостанай және Солтүстік Қазақстан облысынан келген 200-ден астам әуесқой спортшы қатысты.
Комитет мәліметінше, еліміз биыл Париж олимпиадасына құзға өрмелеуден лицензия алған.
Iс-шара барысында қатысушылар физикалық дайындығына байланысты бірі – биіктігі 300 метрді құрайтын «Оқжетпес» шыңын бағындырса, бірі – үш әпке шоқысына көтерілді.
Құзға өрмелеуден «Бурабай-2024» республикалық фестивалінде жалпыкомандалық есепте Солтүстік Қазақстан облысының командасы І орын алды. Шучинск қаласының командасы ІІ орын, ал Қостанай облысы ІІІ орынға тұрақтады.
Фото: gov.kz
