Кәсіпқой бокстан жүрген Жәнібек Әлімханұлы бұрынғы әлем чемпионы 30 жастағы америкалық Роб Брантты жеңді. Бұл туралы Мalim.kz сайты хабарайлды.
Жекпе-жек Лас-Вегаста (Невада, АҚШ) өтті. Бокс кешінің басты жекпе-жегінде украиналық Василий Ломаченко (14-2, 10 КО) жапониялық Масаеши Накатанимен (19-1, 13 КО) кездеседі. Ломаченко жапондық боксшыны басымдылықпен жеңді.
Жәнібек өнер көрсететін 72,6 келіге дейінгі салмақ дәрежесіндегі бәсеке 10 раундқа жоспарланған. Қазақ боксшысы алтыншы раундта америкалықты нокдаунға түсірді. Сегізінші раундтан кейін Бранттың бапкерлер құрамы жекпе-жекті жалғастырудан бас тартты.
Бұл Әлімханұлының он жекпе-жектегі оныншы және мерзімінен бұрынғы алтыншы жеңісі. Брант үшінші рет жеңіліп отыр, оның қоржынында 26 жеңіс бар.
Әлімханұлы өнер көрсететін орта салмақта IBF және IBO нұсқасы бойынша әлем чемпионы - тағы бір қазақ боксшысы Геннадий Головкин.
Жәнібек ӘЛІМХАНҰЛЫ 1993 жылы Алматы облысында дүниеге келген. Белгілі бапкер Мұрат СИҚЫМБАЕВТАН бокс әліппесін үйренген. Әуесқой бокста Азия, Азия ойындары мен Әлем чемпионатын жеңіп алған. Қазақстанның еңбек сіңірген спорт шебері. 2016 жылы кәсіпқой боксқа ауысты.
Фото: twitter.com
