Шығыс Қазақстан облысының Белоусовка кентінде белгісіз адамдар жеке тұрғын үйге басып кіріп, отбасыға шабуыл жасаған, деп хабарлайды Malim.kz.
Салдарынан жергілікті кәсіпкер әйел қаза тауып, оның жарақат алған күйеуі Өскемендегі ауруханаға жеткізілді. Дәрігерлер оның жағдайын орташа ауыр деп бағалап отыр.
Алдын ала мәлімет бойынша, шабуыл кезінде ерлі-зайыптылардың немерелері де үйде болған, олар зардап шекпеген.
ШҚО Полиция департаменті қылмыстық іс қозғалғанын хабарлады. Күдіктілер өңірден қашпақ болған кезде ұсталған. Тергеу мүддесіне байланысты өзге ақпарат жарияланған жоқ.
