Қазақстандық пара дзюдо шебері, Ақмарал Науатбек ана атанды. Қуанышты жаңалықты спортшы өзінің Instagram парақшасы арқылы бөлісті, деп хабарлайды Malim.kz.
Ақмаралдың спорттағы жолы ерте басталған. Ол 11 жасынан бастап дзюдомен жүйелі түрде айналысып, кәсіби деңгейге көтерілді. Жасөспірім шағында-ақ халықаралық ареналарда өнер көрсетіп, 2017-2019 жылдары әлем чемпионаттарында бақ сынап, болашағынан зор үміт күттіретін спортшы ретінде танылды.
2021 жылы көру қабілетіне байланысты қиын кезеңді бастан өткерген Ақмарал спорттағы бағытын өзгертіп, пара дзюдоға ауысты. Бұл шешім оның жаңа белестерді бағындыруына жол ашты. Табандылығы мен қайсарлығының арқасында ол қысқа уақыт ішінде халықаралық деңгейдегі жарыстарда жоғары нәтижелер көрсетті.
Спортшының мансабындағы ең ірі жетістіктердің бірі – 2024 жылғы Париж Паралимпиадасы. Дәл осы дүбірлі додада Ақмарал алтын медаль жеңіп алып, Қазақстан қоржынына тарихи жеңіс сыйлады.
Ақмарал Науатбек – қазақстандық пара дзюдошы, халықаралық аренада үлкен жетістіктерге жеткен спортшы. Ол 1999 жылы 8 қаңтарда Астана қаласында дүниеге келген. Ақмарал 11 жасынан бастап дзюдомен айналысып, ерте жастан спорттағы қабілетін көрсете білді. 2017-2019 жылдары жасөспірімдер арасындағы әлем чемпионаттарына қатысып, тәжірибе жинақтады.
2021 жылы көру қабілетінің нашарлауына байланысты пара дзюдоға ауысуға мәжбүр болды. Осы кезеңнен бастап ол жаңа бағытта табандылықпен еңбек етіп, жоғары нәтижелерге қол жеткізді. 2022 жылы Баку қаласында өткен әлем чемпионатында 48 кг салмақ дәрежесінде (J2 санаты) алтын медаль жеңіп алды. Финалда ол франциялық тәжірибелі спортшы Сандрин Мартинені жеңіп, өзінің мықтылығын дәлелдеді. 2023 жылы Ханчжоуда өткен Азия Пара ойындарында да чемпион атанып, құрлықтық деңгейде үздік екенін көрсетті. 2024 жылы 2024 жылғы Париж Паралимпиадасы аясында 48 кг салмақта ел намысын қорғады. Жарыс барысында ол қарсыластарының барлығын жеңіп, финалға сенімді түрде шықты. Ақтық сында тағы да Сандрин Мартинені жеңіп, Паралимпиада чемпионы атанды. Бұл жеңіс Қазақстан тарихындағы маңызды спорттық жетістіктердің бірі болды. Ақмаралдың табандылығы мен еңбекқорлығы көптеген жас спортшыларға үлгі болып отыр.
Ол спорттағы жетістіктері үшін мемлекеттік марапатқа да ие болды. Атап айтқанда, оған "Барыс" орденінің ІІІ дәрежесі табысталды.
