«Қазақстан өз азаматтарын тастамайды»: Қасым-Жомарт Тоқаев айтқан төлқұжаттың күші туралы сөздер бүгін ерекше маңызға ие болып отыр.
Тоқаев бұған дейін Қазақстан паспортының күші жыл сайын артып келе жатқанын, бұл еліміздің ықпалы мен тартымдылығының өсіп жатқанын көрсететінін атап өткен болатын. Оның айтуынша, Қазақстан әлемнің әр түкпіріндегі адамдар үшін өмір сүруге және саяхаттауға қолайлы елдердің біріне айналып келеді. Ал қауіпсіздік деңгейі бойынша ел көптеген мемлекеттерден алда тұр.
Бүгін бұл сөздер жаңа мәнге ие болуда. Таяу Шығыс елдерінен қазақстандықтарды эвакуациялау аясында мемлекет ең басты қағиданы көрсетіп отыр – өз азаматтарын ешқашан жалғыз қалдырмайды.
Қазақстандықтар елдің қолдауымен отанына оралуда. Бұл мемлекет іс жүзінде дәлелдеп отыр: азамат қай жерде жүрсе де, ол әрқашан Қазақстан Республикасының қорғауында болады.
Айта кетейік, қазір Таяу Шығыста саяси жағдай ушығып тұр. Израиль қорғаныс армиясы 1 наурызға қараған түні Иран аумағына ауыр соққы жасаған еді. Соның салдарынан Иранның билік басындағы тұлғалар мен қарапайым тұрғындар көз жұмды. Елдер арасындағы жанжал әлі де жалғасып жатыр.
