Үкімет 2022 жылға арналған бюджет шығынын өзгертпек. Қаржы министрі Ерұлан Жамаубаевтың сөзінше, ұлттық қордан алынатын қаражат 1,6 трлн теңгеге өседі. Ал бюджет шығыны 2,7 трлн теңге болады. Бұл туралы Қазақстан Үкіметінің отырысында айтылды.
Одан бөлек Тоқаевтың тапсырмаларын жүзеге асыруға қосымша 1,8 трлн теңге бөлінеді. Жамаубаевтың айтуынша, бұл ақша халықтың табысын арттыруға, агроөнеркәсіп пен өңірлерді дамытуға бағытталатын болады. Оның ішінде халықтың табысын арттыру бойынша жалпы шығысы 197 млрд тг болатын іс-шаралар жүзеге асырылады.
