Мемлекет басшысының Жарлығымен Нұралхан Оралбайұлы Көшеров Түркістан облысының әкімі лауазымына тағайындалды, деп хабарлайды Malim.kz.
Көшеров Нұралхан Оралбайұлы 1984 жылы 20 желтоқсанда Оңтүстік Қазақстан облысы Шымкент қаласында дүниеге келген.
Мамандығы бойынша экономист, қаржы және несие, құқықтану салаларын меңгерген.
Соңғы қызметтерінде Шымкент қаласы мен Атырау облысы бойынша Мемлекеттік кірістер департаменттерін басқарып, Түркістан облысы әкімінің орынбасары қызметін атқарған.
Фото: Түркістан облысы әкімдігі
