Украина Ресеймен тұтқындар алмасу туралы жанама келіссөздерді қайта жүргізіп жатыр, деп хабарлайды Malim.kz. DW-ге сілтеме жасап.
Бұған дейін Мәскеу Киевті бұл процесті тоқтатты деп айыптаған еді.
15 қараша, сенбі күні Украина Қауіпсіздік және қорғаныс кеңесінің (ҚҚҚ) хатшысы Рустем Умеров Telegram-арнасында Ресеймен тұтқындар алмасу үдерісін қайта жандандыру жөнінде жанама консультациялар өткенін мәлімдеді. Оның айтуынша, әңгіме шілдеде Түркияда Украина мен Ресей делегациялары қол қойған «Стамбул келісімдері» аясындағы алмасуды қайта бастау туралы болып отыр.
Түркия мен БАӘ бұл мәселеде делдал болған.
«Жақын арада техникалық консультациялар өтеді. Онда барлық рәсімдік және ұйымдастырушылық мәселелер нақты бекітіледі», — деді ҚҚҚ басшысы.
