Украина Қарулы күштерінің Бас штабы әзірге жеке басы анықталуы тиіс 528 мәйіттің алынғанын растады, деп хабарлайды Malim.kz DW-ге сілтеме жасап.
Ресей тарапының мәлімдеуінше, олар қаза тапқан украиналық әскери қызметкерлердің денелері. Алда репатриацияланған мәйіттерді тасымалдау жұмыстары жүргізіледі.
16 мамыр, сенбі күні Украина Қарулы күштерінің Бас штабы Facebook әлеуметтік желісінде Украинаға әлі сәйкестендірілмеген 528 мәйіттің қайтарылғанын хабарлады. Ресей тарапы олардың қаза тапқан украиналық сарбаздар екенін мәлімдеген.
Алдағы уақытта мәйіттерді тасымалдау жүзеге асырылады.
«Одан кейін барлық қажетті сараптамалар мен сәйкестендіру жұмыстары жүргізіледі», — делінген Бас штаб хабарламасында.
Мәйіттерді қайтару процесіне Украина Қауіпсіздік қызметі жанындағы Біріккен орталық, ерекше жағдайларда хабар-ошарсыз кеткендер мәселесі жөніндегі уәкіл хатшылығы, әскери тұтқындармен жұмыс жөніндегі үйлестіру штабы және Украинаның Төтенше жағдайлар жөніндегі мемлекеттік қызметі қатысты.
Сонымен қатар, Халықаралық Қызыл Крест комитеті де қолдау көрсеткен.
Іздеу жұмыстарына Украина Қарулы күштерінің «НА ЩИТІ» жобасының іздеу топтары да жұмылдырылған. «Бүгінде соғыс сипаты өзгерді, іздеу жүргізілетін аймақтар дрон шабуылдары, қашықтан миналау және атқылау қаупі астында», — деп қосты Украина Бас штабы.
