Венадағы Қолданбалы өнер музейінен құны 4 миллион доллардан асатын бағалы алқа ұрланды. Бриллианттармен көмкерілген платина әшекейі Мысырдың бұрынғы корольдік отбасына тиесілі болған, деп хабарлайды Malim.kz.
Полиция мәліметінше, екі ер адам музейге келушілер ретінде кіріп, әйнек витринаны сындырып, алқаны алып кеткен. Әшекейде 600-ден астам бриллиант бар. Ол Van Cleef & Arpels брендіне арналған көрмеде қойылған.
Құқық қорғау органдары күдіктілердің бейнебақылау камераларына түскен суреттерін жариялады. Олардың бірінде атыс қаруы болуы мүмкін. Күдіктілер музейден шығып, Венаның оңтүстігіндегі саябаққа қарай қашқан.
Қазір полиция күдіктілерді анықтап, ұрланған әшекейді іздестіріп жатыр. Оқиғаға байланысты тергеу жүргізілуде.
