Ұлыбритания ханзадасы Гарри бірнеше жылдық үнсіздіктен кейін әкесіне — Король III Чарльзге татуласу жайлы ұсыныс білдірді, - деп хабарлайды Malim.kz тілшісі.
Бұл туралы ол BBC-ге берген сұхбатында бөлісті.
"Мен отбасыммен татуласқым келеді. Ұрысты жалғастырудың мәні жоқ", – деді.
Алайда король бұл ұсынысқа әлі жауап қайтармады. Гарри мен оның жұбайы Меган Маркл 2020 жылы корольдік міндеттерінен бас тартып, АҚШ-қа көшіп кеткен еді. BILD басылымы ханзаданың бұл мәлімдемесін Лондон сотындағы соңғы жеңілісімен байланыстырып отыр. Сот Гарри мен оның отбасына Ұлыбританияға келгенде толыққанды қауіпсіздік берілмейтінін шешкен.
Гарридің айтуынша, дәл осы жағдай оның әкесімен қарым-қатынасын одан әрі шиеленістіріп жіберген. Корольдің достары The Sun-ға берген сұхбатында, Чарльз ұлының сөздеріне ашулы екенін және Гарридің "қоғамдық тәртіп пен корольдік міндетке құрметсіздік көрсеткенін" айтты.
Фото: BBC
