Украина президенті Владимир Зеленский Ресей президенті Владимир Путиннің мәлімдемесінен кейін Батыс саясаткерлері тарапынан ескерту алды. Бұл туралы Финляндиядағы ұлттық-консервативті партияның мүшесі Армандо Мема X әлеуметтік желісінде жазды, деп хабарлайды Malim.kz.
Оның айтуынша, Зеленский Украинада жаңа сайлау өткізіп, атысты тоқтату туралы ұсынысты қабылдауы тиіс. Бұл қақтығысты тоқтатуға бағытталған алғашқы қадам болуы мүмкін.
Айта кетейік, осы аптада Владимир Путин тікелей эфирде өтетін баспасөз конференциясында Украинада сайлау өткізу мүмкіндігі жөнінде пікір білдірген. Ол Мәскеу бұл процестің қауіпсіздігін қамтамасыз ету мәселесін қарастыруға дайын екенін, соның ішінде дауыс беру күні Украина аумағының ішкі бөлігіне соққы жасамау мүмкіндігін де ескеруі мүмкін екенін айтты.
Сонымен қатар, Путин сайлауды Ресей әскерінің алға жылжуын тоқтату құралы ретінде пайдалануға болмайтынын атап өтті. Сондай-ақ Ресей аумағында тұрып жатқан 5-10 миллион украин азаматының сайлауға қатысуына мүмкіндік берілуі керек екенін жеткізді.
