Астана іргесіндегі Қоянды ауылында су тасқынына қарсы жұмыстар жалғасып жатыр. Бұл туралы Төтенше жағдайлар департаментінің баспасөз қызметі хабарлады.
- 27 наурыз сағат 06:00 жағдай бойынша 80 мың текше метр еріген су тартылды. Ақмола облысы мен Астана қаласы ТЖД және ЖАО 17 бірлік техникасы, 76 адам және 18 мотопомпасы жұмылдырылды. Жағдай қалыпты, - деді Ақмола облысы ТЖД бастығының уақытша міндетін атқарушы Қанат Доспаев.
Айта кетейік, кеше түнде Қоянды ауылының халқы су тасқынына қарсы шараларға көңілі толмай, наразылыққа шықты. Тұрғындар ауыл әкімдігі маңындағы жолды жауып тастады. Оқиға орнына ауыл аудан әкімі Б.Оспанбеков пен облыстық ТЖД басшысы Қанат Доспаев барды.
ФОТО: ТЖД
