Атырауда қоғам назарын аударған ауыр қылмысқа қатысты басты күдікті ретінде аталып жүрген Сұлтан Сәрсемалиев жөнінде жаңа мәліметтер жарияланды. Бұл деректерді журналист Гүлмира Әбіқай Facebook-тегі жеке парақшасында бөлісті, деп жазады Malim.kz.
Журналистің жазуынша, күдіктінің жұбайы Ақбаян – 30 жаста, бес баланың анасы. Ол кенже перзентін былтыр дүниеге әкелген. Ақбаянның әпкесі Әсиләның айтуына қарағанда, әйел жүктілікке дейін бірнеше мәрте операциядан өтіп, денсаулығы айтарлықтай әлсіреген.
"Әпкесі Әсилә "Жүктілік алдында бірнеше рет операция жасап, денсаулығы әлсірегенін айтады. 5-шісін босанған соң мінезі күрт өзгеріп, послеродовой депрессияға түсті. Жүйкесі тозған, әбден шаршаған, бір нәрсе айтсаң мәңгіп басқа нәрсе ойлап тұрады. Жағдайы күннен күнге күрделенуде, бір сөзбен өзіне өзі ие емес. Күйеуі жын кірді деп оны әрлі-берлі тасып жүрді. Біздің әу баста іздемеген себебіміз де осы, баяғы емге кетті деп ойладық…" деп көзіне жас алды Әсилә апай. Өте қиын жағдай…" – деп жазды Гүлмира Әбіқай.
