«Қазгидромет» 2026 жылғы 4 мамырға арналған штормдық ескерту жариялады, деп хабарлайды Malim.kz.
Синоптиктердің мәліметінше, Қазақстанның барлық аумағында қолайсыз метеожағдайлар күтіледі.
Еліміздің көптеген өңірлерінде жаңбыр, найзағай, бұршақ және қатты жел болжанып отыр. Желдің екпіні кей жерлерде 15–25 м/с-қа дейін жетуі мүмкін.
Алматы, Шымкент, Түркістан, Жамбыл және бірқатар оңтүстік өңірлерде нөсер жаңбыр мен найзағай күтіледі. Таулы аймақтарда жауын-шашынның күшеюі, бұршақ және қар аралас жауын ықтимал.
Солтүстік, орталық және шығыс өңірлерде де жауын-шашынмен бірге желдің күшеюі, тұман және түнгі уақытта үсік болуы мүмкін. Кейбір облыстарда өрт қаупі жоғары деңгейде сақталады.
Мамандар тұрғындарды ауа райының күрт өзгеруіне байланысты сақтық шараларын сақтауға шақырады.
