Киев пен Мәскеу арасындағы келіссөздер жайы айтылғанымен, тараптар нақты келісім үстеліне келіп, құжатқа қол қойғанға дейін қақтығыс майданның барлық бағытында жалғаса беретіні анық. Соңғы тәулікте соғыс қарқыны бұрынғыдан да үдеп, екі жақ бір-бірін аяусыз атқылап жатыр. Осы жағдайға қатысты журналист, сарапшы Нұргелді Әбдіғани пікір білдірді, деп хабарлайды Malim.kz.
Ресей кеше түннен бастап таңға дейін Киев пен Киев облысына ұзын-ырғасы 600 дрон, 40 зымыран атқан. Жалпы Ресей соңғы айларда дрондарды 600-700-ден ұшырып жатыр. Украина барлауы: «Ресей енді бір ұшырғанда топырлатып 1 мыңнан ұшырады» деп болжайды. Бұл Украина ӘҚЖ-не (ПВО) қосымша жүк салмақ. Ал Украина Ресейдің мұнысына қынжылып қарап отырған жоқ. Ресей үшін маңызды деген энергетикалық, экономикалық және әскери нысандарды аяусыз атқылауда, - дейді ол.
Сөйтіп соларға нақты тоқталып кетті:
Біріншіден, Украина «Sea Baby» дейтін теңіз дрондарын қолданып, Қара теңізде қалқып жүзіп бара жатқан Ресейдің көлеңкелі флотына кіретін 2 мұнай тасығыш кемені өртеді. Біріншісі – «Kairos» танкері, екіншісі – «Virat» танкері. Екеуі де өзге елдің туымен ресейлік мұнайды тасыған. Екеуі де Түркия жағалауларына жақын жерде таяқ жеген.
Екіншіден, Украина Новороссискі аймағына шабуыл жасады. КТК-ға тиесілі нысанның біріне айтарлықтай зақым келген. Новороссискі арқылы мұнай экспорты толық тоқтатылғаны айтылады. Каспий құбыр консорциумына (КҚК) жасалған шабуылдан кейін Қазақстан мұнайды шұғыл түрде мәлімдеме жасап, өз мұнайы альтернативті бағытқа жібере бастады...
Үшіншіден, Украина Татарстанның Алабұға экономикалық аймағына дрондармен соққы жасады. Мұнда Ресей «Шахед» дрондарын құрастырып шығарады. Өрт 5 мың шаршы метр жерді қамтығаны айтылады. Өрт шыққан қоймада дрондарға арналған жабдықтар болуы мүмкін.
Төртіншіден, Украина Қырымдағы «Саки» әуежайына шабуыл жасаған. Шабуыл түнде жасалған. Әуежайдағы басқару пункті, «Орион» дрондарының қоймасы, әуе қорғаныс жүйелері, «Тор-М2» мен «Панцирь-С1»кешендері соққыға ұшыраған.
Бесіншіден, Татарстанның Қазан қаласындағы электр стансасына дөп соққы жасалып, қала толықтай жарықсыз ғалды.
Алтыншыдан. Украина Белгородтың электр стансасына дөп соққы жасап, қала жарықсыз, жылу сыз қалды.
Жетіншіден, Украина Саратовтағы МӨЗ бен Энгельстегі әуе базасына, Ростов облысындағы энергетикалық нысандарға да нәтижелі шабуылдар жасады.Краснодар өлкесіндегі Афипскі МӨЗ-і де соққы жеді. МӨЗ аумағында өрт шықты. Таганрогтағы «Г.М.Бериев атындағы ТАНТК» авиажөндеу зауытына да дөп соққылар жасалды.
Бүгін Украина президенті Зеленский Украинаның Қорғаныс жоспарын түбегейлі өзгерту керек деп, Украина Қорғаныс министрі Денис Шмыгальға қатаң тапсырма берді. Ал Ресей президенті Путин 2026-2028 жылдарға арналған бюджетке қол қойды. Онда 2026 жылы Ресейдің әскери бюджеті, яғни соғысқа жұмсайтын қаржысы 12,93 мтрлн рубль немесе 167 млрд доллар болады деп бекітілген, - деп қорытындылады журналист.
