8 наурызда Астана, Алматы, Шымкент қалаларында және елдің барлық өңірінде қолайсыз ауа райы болады, деп хабарлайды Malim.kz.
Көптеген облыста жауын-шашын (жаңбыр мен қар), боран, көктайғақ және тұман күтіледі. Кей жерлерде қар аралас жаңбыр жауып, жолдар тайғақ болуы мүмкін.
Солтүстік және орталық аймақтарда қар, төменгі боран және көктайғақ болжанып отыр. Желдің жылдамдығы кей жерлерде секундына 15–20 метрге дейін жетеді.
Оңтүстік және батыс өңірлерде тұман түсіп, кей таулы аймақтарда жаңбыр мен найзағай болуы ықтимал.
Синоптиктер тұрғындарға ауа райының күрт өзгеруіне байланысты сақтық шараларын сақтауды ескертті
