Черногорияның Цетине қаласында атыс болып, кем дегенде 12 адам қаза тапты. Euronews жазуынша, елдің премьер-министрі Милойко Спаич үш күн аза тұту жариялады, деп хабарлайды Malim.kz.
Ал жұртты қырып салған адам өз-өзіне қол жұмсап, бейсенбі күні қайтыс болған.
Атысқа мейрамханадағы төбелес себеп болған.
Сәрсенбі күні Черногорияның батысындағы мейрамхана маңында төбелеске жалғасқан атыс кезінде кем дегенде 12 адам, оның ішінде екі бала, қаза тауып, тағы 4 адам ауыр жарақат алған.
Полиция 45 жастағы Ако Мартиновичті қылмыскер деп таныды. Ол Цетине маңындағы мейрамхана иесін, оның балаларын және өз отбасын өлтірген.
Бейсенбіге қараған түні атыс жасаушы өз үйінің жанында полиция қоршауында болғанда, басына оқ атып, өз-өзіне қол жұмсағаны туралы хабар тарады.
Премьер-министр Милойко Спаич жарақат алғандарды ауруханаға барып, үш күндік аза тұту жариялады.
Фото: Risto Bozovic/Copyright 2025 The AP
Байланысты жаналықтар
MalimBlocks
