Латвиядағы НАТО бригадасы Адажиде жаңа базаны ашты. Жалпы құны 7 млн долларды құраған базаны Канада мен Испания қаржыландырған. Литваның Рукла қаласында да жергілікті бригаданың инфрақұрылымы кеңейтіліп, жетілдіріліп жатыр. Ол 2026 жылы қолданысқа түседі. Бұл туралы Euronews.com жазды, деп хабарлайды Malim.kz.
Мәліметке қарағанда, Канада мен Испания қаржыландырған Адажи базасында броньды машиналар шоғырланады. Мұнда танктерге, бронетранспортерлерге және басқа да техникаларға қажетті техникалық қызмет көрсетуге арналған үй-жайлар, қойма, шатырлар, қауіпсіздік периметрі және бетон жол салынады.
Литваның Рукла қаласында материалдық-техникалық қамтамасыз ету тұрақты пункті салынып жатыр. Бұл база одақтастардың әскери техникасына, соның ішінде танктерге қызмет көрсету үшін пайдаланылады, оны Германия қаржыландырады және НАТО агенттігі арқылы жүзеге асырылады.
Сонымен қатар, өткен аптада Руднинкайда кампус құрылысы басталған. Онда Германия бригадасының көп бөлігі орналасады. Бірақ кейбір бөлімшесі, атап айтқанда жауынгерлік топ, инженерлік және барлау бөлімшелері Руклада орналаспақ. Мұнда қазір НАТО-ның жетілдірілген жауынгерлік тобының құрамында Германия сарбаздары қызмет етеді.
Фото: lrt.lt/ru
Байланысты жаналықтар
MalimBlocks
НАТО саммиті: 75-ші басқосу Украина үшін не берді?
Осы аптада америкалық БАҚ 9-11 шілде аралығында Вашингтонда өткен Солтүстік Атлантикалық альянстың 75-ші саммитінің барысы мен алғашқы нәтижелерін талқылады. Болжам бойынша, көптеген бұқаралық ақпарат құралдарының назары Джо Байденнің президенттік сайлауға қатысу қабілетін көрсетуге бағытталған. Сонымен қатар, Украина тақырыбы, Қытай, сондай-ақ, альянстың реформа жасау қабілеті саммит қорытындыларын талдайтын мақалалардың негізгі тақырыптарына айналды.
