«Тақтар ойыны» сериалындағы темір тақ аукционға шығарылмақ

HBO арнасында көрсетілген танымал «Тақтар ойыны» сериалында қолданылған реквизиттер аукционға қойылмақ. Оның ішінде темір тақ та шығарылады, деп хабарлайды Malim.kz.

Аукцион үйінің сайтында жарияланған ақпаратқа сәйкес, 2024 жылдың қазанында Heritage Auctions HBO телеарнасымен бірлесіп «Тақтар ойыны» сериясына арналған сауда-саттық өткізеді.

Ондағы лоттарға 2 мыңнан астам зат шығарылған. Соның ішінде темір тақтың балқытылған нұсқасы, көптеген костюмдер, реквизиттер, декорациялар бар. Одан бөлек, сериалдың естелік заттары да ұсынылады. Бастапқы баға 500 доллардан 20 мың долларға дейін барады.

Айта кетейік, «Тақтар ойыны» HBO арнасында 2011-2019 жылдар аралығында көрсетілді. Сериал Джордж Р.Р. Мартиннің «Мұз бен от әні» романдар цикліне негізделген. Жоба қазіргі америкалық теледидардағы бюджеті ең үлкен және қиял-ғажайып жанрдағы ең қымбат жоба болды.

Фото: livelib.ru