Тбилисидегі наразылық: ел Парламенті ғимаратында өрт шықты

Тбилисиде парламент ғимаратында өрт шығып, наразылыққа шыққан халық пен полиция арасында қақтығыс ушыға түсті, деп хабарлайды Malim.kz.

rbc жазуынша, митингке шыққандар ғимараттың терезелеріне тас лақтырып, қоршауларды бұзып өткен. Ал президент Саломе Зурабишвили оппозицияны қолдай отырып, парламенттің заңсыз екенін жариялап, өз өкілеттілігін мерзімі аяқталғанына қарамастан тапсырудан бас тартқан.

Тікелей эфирде көрсетілген кадрларда парламент ғимаратының бір бөлмесінен от шыққаны көрінген. Imedi телеарнасы наразылар телеарна орнатқан жабдықтарды бүлдіріп, ғимараттың терезелерін сындырғанын хабарлады.

Наразылықтардың басталуына парламент сайлауының нәтижелері түрткі болғанын айта кетейік, онда биліктің «Грузин арманы» партиясы жеңіске жетті. Оппозиция елдің Еуропалық Одаққа кіру мәселесінің тоқтатылуына қарсы.

Грузияның Мемлекеттік қауіпсіздік қызметі кейбір топтар билікті күшпен басып алуға бағытталған арандатушылық әрекеттерді ұйымдастыруға тырысып жатқанын мәлімдеді. Ішкі істер министрлігінің мәліметінше, екі күнге созылған наразылықтар кезінде 40-тан астам полиция қызметкері жарақат алып, 100-ден астам адам ұсталған.

Фото: en.apa.az