АҚШ пен Ресей президенттері ақпан айының аяғында Сауд Арабиясында келіссөз өткізуі мүмкін. Кездесудің негізгі тақырыбы Украинадағы қақтығысты реттеу болмақ, деп хабарлайды Malim.kz Bloomberg агенттігіне сілтеме жасап.
Ақпаратқа сәйкес, келесі аптада Ресей мен АҚШ ресми өкілдері алдын ала келіссөздер өткізеді. Олардың мақсаты – Владимир Путин мен Дональд Трамптың мүмкін болатын кездесуіне дайындық жүргізу.
«Сауд Арабиясы тарапының келіссөздерге ұлттық қауіпсіздік жөніндегі мемлекеттік министр Мусаед бен Мұхаммед әл-Айбан қатысатыны белгілі болды. Кездесуде Украинадағы жағдайды тұрақтандыру жолдарына назар аударылады. Қазіргі уақытта сапардың нақты мерзімі мен қатысушылардың құрамы нақтыланып жатыр», - делінген хабарламада.
Келіссөздерді ұйымдастырушылар Рамазан айына дейін саммит өткізуді жоспарлап отырғанын мәлімдеді.
Фото: Shealah Craighead/White House/IMAGO
