АҚШ президенті Дональд Трамп Қытайдан келетін тауарларға салынатын баж салығын 125 пайызға дейін көтеру туралы шешім қабылдағанын мәлімдеді, деп хабарлайды Malim.kz.
“Қытайдың әлемдік нарықтарға құрметсіздік танытуына байланысты Қытайдан алатын баж салығын 125 пайызға дейін көтеремін. Бұл шешім дереу күшіне енеді”, – деп жазды Трамп Truth Social әлеуметтік желісінде.
Бұған дейін өздеріне тарифтердің жоғарылауы туралы хабарланған елдердің арасында жауап бермеген мемлекеттер үшін жаңа баж салығы 90 күнге кейінге қалдырылады.
Бұл тоқтату шарасы АҚШ-тың Азиядағы негізгі сауда әріптестерінің басым бөлігін қамтиды.
Фото: Justin Sullivan/Getty Images
