Трамп Үндістан тауарларына қосымша 25% баж салығын енгізді
АҚШ президенті Дональд Трамп Үндістаннан импортталатын өнімдерге 25% мөлшерінде қосымша баж салығын енгізу туралы жарлыққа қол қойды. Құжат 6 тамыз, сәрсенбі күні Ақ үйдің сайтында жарияланды, деп хабарлайды Malim.kz.
"Үндістаннан келетін, тікелей немесе жанама түрде Ресей Федерациясынан мұнай импорттайтын тауарларға қосымша адвалорлық (кедендік бағасына пайызбен белгіленетін) баж салығын енгізу қажетті әрі орынды деп санаймын", – делінген құжатта. Бұл шара 21 күннен кейін күшіне енеді.
Бұған дейін, 31 шілдеде, Трамп Үндістаннан келетін импортқа 25% сауда үстемесін белгілеу туралы жарлыққа қол қойған болатын, ол 7 тамыздан бастап күшіне енеді деп хабарланған еді.
Алғашқы хабарламалардан кейін Үндістандағы төрт мемлекеттік мұнай өңдеу зауыты Ресейден мұнай сатып алуды уақытша тоқтатқанымен, кейін бірнеше дереккөз Үндістанның америкалық қысымға қарамастан ресейлік мұнайды сатып ала беретінін хабарлады. Осыған байланысты жаңа баж салығы енгізілді.
Фото: Chip Somodevilla/Getty Images
Ең көп оқылған
