Зеленский бүгін Трамппен телефон арқылы сөйлесетінін мәлімдеді
Зеленский бүгінгі қоңыраудан Трамп Путинмен болған әңгіме туралы толық айтып береді деп үміттенеді
Украина президенті Владимир Зеленский АҚШ президенті Дональд Трамппен бүгін телефон арқылы сөйлесетінін мәлімдеді, - деп хабарлайды Malim.kz тілшісі.
Зеленский Финляндия президенті Александр Стуббпен өткен баспасөз мәслихатында 19 наурызда Трамппен телефон арқылы сөйлесетінін айтты. Ол америкалық және украиналық тараптар арасында кездесу сәтті өткенін және бүгінгі әңгіме барысында Трамп Ресей президенті Владимир Путинмен не туралы сөйлескенін егжей-тегжей айтып береді деп үміттенеді.
ЗеленскийУкраина Ресей басып алған аумақтарды Ресей жері ретінде мойындамайтынын мәлімдеді. Ол бұл және басқа да мәселелерді талқылау үшін теңізде де, әуе кеңістігінде де тыныштық режимін қамтамасыз ету қажет екенін атап өтті.
"Біз үшін "қызыл сызық" – уақытша оккупацияланған Украина жерлерін Ресейдің аумағы ретінде мойындау. Біз бұған келіспейміз", – деп түйіндеді Зеленский.
Еске салайық, 18 наурызда АҚШ президенті Дональд Трамп пен Ресей президенті Владимир Путин телефон арқылы сөйлесті. Кремль мәліметінше, Ресей басшысы Ресей мен Украинаның энергетикалық инфрақұрылым нысандарына соққы жасамау туралы өзара келісім идеясын қолдап, ресейлік әскерге тиісті бұйрық берген.
Фото: Valentyn Ogirenko/Reuters
