4 шілде күні Алматы әуежайында Шымкент бағытына ұшуды күтіп тұрған бала шыныға соғылып, жарақат алды, деп хабарлайды Malim.kz.
Әлеуметтік желілерде тараған ақпаратқа сәйкес, 7–9 жас шамасындағы бала маңдай тұсынан шыны сынығына зақымданған.
Әуежайдың баспасөз қызметі баланың ойнап жүріп шыны қалқаға соғылғанын, соның салдарынан оқыс жағдай болғанын хабарлады. Оқиға орнына дереу медициналық қызмет пен жедел жәрдем шақыртылып, балаға алғашқы көмек көрсетілді.
Мамандардың айтуынша, баланың өміріне қауіп жоқ. Әуежай әкімшілігі барлық шығынды өз мойнына алған.
Фото: әлеуметтік желі
