Алматы қалалық ТЖД құтқару қызметі Сәтпаев шыңында құтқару операциясын жүргізді, деп хабарлайды Malim.kz.
Қыздардың бірі өрлеу кезінде аяғын қайырып алып, таулық дерттің белгілері байқалғандықтан әрі қарай өздігінен түсу мүмкін болмаған. 4300 метрден жоғары биіктікте жағдай қиындай түскен.
Іздеуге байланыс жоғалуы мен координаталардың нақтылығының болмауы кедергі келтірді, сондықтан қиғаш баурайды түгел тексеруге тура келді, - деп хабарлады құтқарушылар.
Бірнеше сағаттық көтерілу барысында визуалды байланыс орнатылды. Қыздар табылғанын білгенде жылап жіберген.
Туристер төменге дейін жеткізіліп, эко-бекетке тапсырылды. Онда оларды туыстары күтіп тұрған. Медициналық көмек қажет болмаған.
Фото: Алматы қаласы ТЖД
