Алматы облысына қарасты Текелі қаласының кіре берісіне санитарлық пост қойылды. Оған себеп қалада санитарлық талаптар қатаң бұзылған. Бұл туралы МӘЛІМ КЗ сайтының өңірдегі тілшісі хабарлайды.
Бүгін таңғы 7.00 де сайт тілшісі санитарлық бекеттің ашылуына арнайы барған болатын. Алайда, көліктерді химиялық залалсыздандыру құрылғысын көрмедік. Одан бөлек қашықтықтан дене қызуын өлшейтін құрылғыларымен тұрған медицина саласының қызметкерлері емес, жастар РЕСУРСТЫҚ орталығының мамандарын көрдік. Яғни өздерін еріктіміз деп таныстырған әкімдіктегі жас мамандарды көрдік.
Қазір Текелі республика бойынша санитарлық пост қойылған жалғыз қала. Қала әкімі Бақтияр ӨНЕРБАЕВ пен қалалық аурухананың бас дәрігері облыс басшысының сынына ұшыраған. Енді Амандық БАТАЛОВТЫҢ шешімімен бекет 10 күнге қойылды. Мамандар қалаға кірген-шыққандарды тәулік бойы қадағалайтын болады.
Бақтияр Өнербаев бастаған жергіілкті шенеуніктер санитарлық талапты сақтай алмаған. COVID-19 вирусын жұқтырғандар саны 151 адамға жеткен. Оның 15-і емделіп шықса, 41 адам ем-жом алып жатыр. Әкімнің айтуынша, коронавирусқа шалдыққандардың 115 симптомсыз екен. Ал індет жұқтырғандармен қарым-қатынасқа түскендер саны 190 адам. Олар қазір оқшауланыпты. Және дәрігерлердің бақылауында екен.
«Аурухана провизорлық госпитальға айналды. 135 төсегі бар. 10 орын резервте тұр. 95 пайызға жабдықталған. Текелі тартымды қала. Тауға табиғат аясына адамдар көптеп демалуға келеді. Сондықтан қауіпсіздік шараларын күшейтіп жатырмыз», - дейді қала әкімі Өнербаев.
Қала бойынша жаппай заласыздандыру жұмыстары қолға алынған.
Фотолар автордікі.
Байланысты жаналықтар
MalimBlocks
Жаңа облыстарда үй бағасы үш айда қалай өзгерді?
Президент Қасым-Жомарт Тоқаев 16 наурыз күні Қазақстан халқына жолдауында үш облысты бөлу туралы шешім қабылдағанын айтып, жаңа облыс орталықтарын таныстырған еді. MalimMedia сол жаңалық шыққан күннен бастап жаңа орталықтардағы тұрғын үй бағасын салыстырып көрдік.
Жаңа облыстардағы әкімшілік ғимараттар үшін бюджеттен 12 млрд жұмсалады
Жаңа құрылған Алматы, Жетісу, Қарағанды, Ұлытау, Шығыс Қазақстан және Абай облыстарында әкімшілік ғимараттарды сатып алу, жөндеу және жалға алу үшін 12 миллиард теңге жұмсалады. Бұл туралы ұлттық экономика министрі Әлібек Қуантыров айтты.
Ең кедей облыс: Жетісудың арқасында Қызылорда алға шықты
Экономиканы зерттеу институты Қазақстанда бөлінетін үш облыстың инвестициялары қалай өзгеріске ұшырайтынын көрсетті. Айта кетейік, Алматы облысының бөлінуі әсерінен инвестиция тарту бойынша соңғы орында қалып келген Қызылорда облысы тізімде алға жылжитын болды.