«Жаңа Алаш» ютуб арнасына режиссер Болат Атабаевтың екінші сұхбаты шықты. «Тілеуханұлымен сұхбат» бағдарламасында Атабаев түрмедегі өмірі туралы да айтады. Сонда түрме астында казино барын, онда жезөкшелік қызмет ұсынатынын да жасырмады.
«Ақтөбедегі түрмеде Жанболат (Мамай – Р.) екеуімізді бөліп алып кетті. «Қайда апарасыңдар? Мен мыналармен бірге болғым келеді» деймін. Түрмедегілерді нұсқап. Адам өлтіргендер, ұрлықшылар бар. Олар маған ұнады. Кәдімгі адамдар. Қандай жағдайда болғандарын қайдан білейін. Олар саяси бапты түсінбейді екен. Бірақ бізге деген құрметтері мықты болды.
Сонымен Жанболат екеуімізді алып кетті. Конвойлар бір есікті қақты. Бұлардың кілті жоқ па деп ойладым. Бір адам есікті ашты. Бізді кіргізіп алды. Сөйтсем пахан екен. Отырғандардың шефі. Тамақ істеп жатыр, холодильник, телевизор бәрі бар. Душ қабылдап алдым. Шаршап жатырмын. Тамақ ішіп алдым. Лимонад, квас бар. Су жоқ. Содан әйтеуір су тауып ішіп, ұйықтап кетіппін. Біреу оятады. «Аға, демаласыз ба?». «Демалып жатырмын», – деймін. «Қыз әкелейін бе, жігіт әкелейін бе?», – деді. «Жігіт десем, жігіт табарсың, осында қанша еркек жүр. Қызды қайдан табасың?», – дедім. «Астында казинода күтіп отыр», – деді. Түрменің астында казино бар екен. МВД, КНБ бәрі сонда екен...», – деді режиссер.
Одан бөлек, Атабаев Ақтау түрмесі туралы да айтты. Өзінен қазіргі жоспарлары туралы да ойымен бөлісті.
Сұхбаттың толық нұсқасын «Жаңа Алаш» ютуб арнасынан көре аласыздар.
Байланысты жаналықтар
MalimBlocks
Бәрі сотталады: шетелдегі соғыстарға қанша қазақстандық қатысқан?
1 сәуірде желіде Украинаға қарсы соғысқа қатысқан 660-тан аса қазақстандықтың аты-жөні бар тізім пайда болды. ҚР ІІМ бұл ақпарат расталмағанын айтып, тексеруді талап ететінін мәлімдеді. Tengrinews.kz редакциясы бұл мәселе бойынша ашық деректерді зерттеген
