Президент Қасым-Жомарт ТОҚАЕВ 3 наурыз күні "Қазатомөнеркәсіптің" бұрынғы басшысы Мұхат ЖӘКІШЕВТІҢ мерзімінен бұрын шартты түрде бостандыққа шығу жөніндегі өтінішін қарайтын сот "әділ шешім шығаратынына сенімді". Бұл туралы президент Informburo ақпараттық порталына берген сұхбатында айтқан.
"Әрине, Жәкішев бұған дейін денсаулығына байланысты мерзімінен бұрын шартты түрде бостандыққа шығу жөнінде өтініштер түсіргенін білемін. Бұл мәселе тікелей соттың құзыретінде. 3 наурыз күні сот өтеді. Сол соттың шешімін күтейік. Сот әділетті шешім шығаратынына сенімдімін", - деді Тоқаев.
М.Жәкішев 2009 жылдың мамырында қамауға алынған. Сот оны жемқорлық ісі бойынша айыпты деп танып, 14 жылға бас бостандығынан айырған.
