Ақмола облысының Ынтымақ ауылында 14 жастағы қыз пышақ жарақатынан қаза тапты, деп хабарлайды Malim.kz.
Полиция департаментінің мәліметінше, қылмыс фактісі бойынша қылмыстық іс қозғалды, күдіктінің жеке басы жедел анықталған. Қазіргі уақытта оны тез арада ұстауға бағытталған жедел-іздестіру шаралары жүргізіліп жатыр.
Ведомство өкілдері тергеу аясында оқиғаның барлық мән-жайы анықталып жатқанын айтты.
«Істің тергелуі полиция департаменті басшылығының ерекше бақылауында. Тергеу мүддесіне байланысты өзге ақпарат жарияланбайды. Азаматтарды тек ресми дереккөздерге сенуге және шындыққа сәйкес келмейтін ақпарат таратпауға шақырамыз», — деп мәлімдеді полиция.
