Атырауда 19 жастағы қызға жасалған қатыгез шабуыл бойынша қылмыстық іс тергеліп жатыр. Алдын ала мәліметке сәйкес, оқиға 8 наурыз күні таңертең болған, деп хабарлайды Malim.kz «Ақ Жайық» басылымына cілтеп.
21 жастағы қала тұрғыны бірнеше сағат бойы қызды ұрып-соғып, пышақпен жарақаттап, қорлаған. Ол әрекеттерінің бір бөлігін әлеуметтік желі стористерінде және Telegram мессенджерінде жариялағаны хабарланды.
Жәбірленуші денесі мен аяқтарындағы көптеген жарақатпен ауруханаға жеткізілді. Дәрігерлер оған қажетті медициналық көмек көрсетті, қазіргі жағдайы нақтылануда.
Аталған дерек бойынша ҚР Қылмыстық кодексінің 110-бабы және 147-бабы бойынша іс қозғалды. Тергеу амалдары жүргізілуде.
