Астанада Тоқаев білім алған қытайлық университеттің филиалы ашылады
ЖОО филиалы ЭКСПО аумағында орналасқан.
Ғылым және жоғары білім министрі Саясат Нұрбек Бейжің Тіл және мәдениет университетінің Астанадағы филиалы ашылатынын айтты, деп хабарлайды Malim.kz.
Министрдің айтуынша, бұл ЖОО-да Қасым-Жомарт Тоқаев қытай тілін үйренген.
ҚХР төрағасының сапары аясында бізде Бейжің Тіл және мәдениет университетінің филиалы ашылады. Бұл – Қытайдың лингвистикалық, аударма және педагогикалық жетекші университеті. Оны «Қытайдағы БҰҰ» деп те атайды. Бұл университеттің бас түлегі – біздің Президент Қасым-Жомарт Кемелұлы. Президент сол жерде қытай тілін үйренген. Ресми ашылу шілде айының басында болады және мұнда алғашқы HSK сертификаттау орталығы ашылады. Бұл – TOEFL немесе IELTS сияқты қытайлық сертификат. Сондықтан қытай тілін үйренетіндерге ешқайда барудың қажеті жоқ, Астанада сынақ тапсыра алады, - деді Саясат Нұрбек.
Университет филиалы ЭКСПО аумағында орналасқан.
Фото: Ақорда
