Бұрынғы банкир Жомарт Ертаевты босату туралы шешімнің күші жойылды Бұл жөнінде мәжіліс депутаты Абзал Құспан хабарлады.
“Ертаевқа қатысты сот қаулысы бүгін бұзылды. Өтінішімді қолдап, әділ шешімге ықпал еткен бас прокуратурасы, Алматы облысының прокуроры мен сотына, сондай-ақ мәселені алғаш көтерген журналистер қауымына алғыс айтамын!” деп жазды депутат Facebook парақшасында.
Қыркүйектің басында Жомарт Ертаевтың рақымшылықпен түрмеден босап шыққаны белгілі болған еді. "RBK банкіндегі қаржы жымқыру ісі" бойынша айыпталған Жомарт Ертаев 2020 жылы 11 жылға еркіндігінен айырылған. Кейін апелляциялық сот жаза мерзімін 9 жылға қысқартқан.
Фото: Kazinform
