«Қайрат» Чемпиондар лигасының жалпы кезеңіндегі 6-турда «Олимпиакостан» жеңілді, деп хабарлайды Malim.kz.
Астанада өткен матч 0:1 есебімен аяқталды. Жалғыз голды 73-минутта португалиялық Желсон Мартинш соқты.
«Олимпиакос» биылғы Чемпиондар лигасындағы алғашқы жеңісіне қол жеткізді, ал «Қайрат» бесінші рет жеңіліске ұшырады.
«Қайраттың» енді қаңтар айында екі ойыны қалды. Олар 20-сы күні өз алаңында бельгиялық «Брюгге» командасына, 29-ы күні Лондонда «Арсеналға» қарсы матч өткізеді.
