Мәжіліс депутаты Мақсат Толықбай заңға фонограммамен ән айтуға тыйым салуды енгізгенімен, министрлік қолдамай отырғанын жеткізді, деп хабарлайды Malim.kz.
Қолданыстағы заңнамаға сәйкес, онсыз да фонограмманы пайдаланған кезде концерт ұйымдастырушылар ол туралы көрерменге хабарлауға мәндетті. Бірақ ол ереже бізде мүлдем жұмыс істемейді. Сондықтан заң жобасында фонограмманы тыйым салуға бағытталған түзетулер енгізуді ұсындық. Бірақ мәдениет министрлігі оны қолдап отырған жоқ. Айтатын сылтау көп. Әсіресе өңірлерде техникалық құралдардың 70 пайызы тозған дейді. Жарайды деп, норманы тағы жеңілдетіп, “концерт залы техникалық құралдармен толық қамтамасыз етілсе, фонограмманы пайдалануға тыйым салынады” дедік. Бірақ бұл норма да өткен жоқ. Бірақ көрермен ақшасын төлеп, концертке барып отырғаннан кейін неге фонограммамен тыңдауы керек? Бұл талап орынды деп санаймыз. Екінші сылтау – дыбыс режиссерлері жетіспейді. Енді сұраныс болмаса әрине жетпейді,- дейді Мақсат Толықбай.
Осы сұраққа жауап берген Мәдениет және ақпарат вице-министрі Айбек Сыдықов бұл мәселеге қатысты бірнеше жұмыс тобы өткенін, қызу талқылау жүргенін айтты.
Біз тек мемлекеттік орган ретінде емес, мүдделі мамандарды да тартып, олардың ойын ескердік. Негізі Ринат Зайытовтың төрағалығымен өткен отырыста біз бір мәселеге тоқталдық. Барлық мүдделі ададмардың басын біріктіріп, ашық талқылауды қажет етеді деп келістік. 11 наурызда шоу бизнес, мәдениет өкілдерімен осы мәселені талқылаймыз. Мәжілістің екінші оқылымына дейін бір шешімге дейін келеміз деп ойлаймын, - дейді вице-министр.
Фото: parlam.kz
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
