Бүгін Нұр-Сұлтан мен Алматыда экстремистік деп танылған Көше партиясы мен Қазақстанның демократиялық партиясы бастамашыл тобының жетекшісі Жанболат Мамайдың жақтастары билік заңсыз деп таныған митингіге шықты. Астанадағы жиналған жұртты басу үшін Мәжіліс депутаты Бақытбек Смағұл келді.
«Бүгін жиналып жатқандарыңыз дұрыс емес. Әлемде пандемия. Көпшілік жиналуға болмайды қазір. Маскаларыңыз да жоқ. Бейбіт митингке көнеді билік. Пандемия өтсін десе, тыңдамай жатсыздар. Президент бейбіт митинг туралы заңға қол қойды. Блок бекеттер ашылды. Кішкене қоя тұрсаңыздаршы.
Билік деген не? Сіз бен біз. Билік, депутат деген бүгін бар, ертең жоқ. Пандемия өтсін, әлі талай митинг өткіземіз. Мен өзіме жарнама жасап отырған жоқпын. Шыдаңыздар», – деді.
Сонымен қатар, аналар да өз талаптарын айтып, шағымданды. Алаңға келген аналардың біріне Бақытбек Смағұл: «Шабалаңдама. Келгеніме рахмет айт. Сен сияқты жаман қатындар халықты арандатады», – деді.
Сол жерде митингіге шыққан әйел адамның жүрегі қысылып, аурып қалды.
MalimBlocks
