Димаш Құдайберген Дубайда беделді марапатқа ие болды
Ол бұл туралы өзінің әлеуметтік желідегі парақшасында мәлімдеді.
Қазақстандық танымал әнші, еліміздің Халық әртісі Димаш Құдайберген Дубайда DIAFA марапатына ие болды, деп хабарлайды Malim.kz.
Бұл туралы өнер иесінің өзі 28 қарашада Instagram-дағы парақшасында жазды.
Өнерге қосқан үлесі үшін DIAFA сыйлығына алғыс айтамын. Рахмет, Дубай, рахмет, DIAFA, – деп жазды ол.
Distinctive International Arab Festivals Awards-DIAFA-жыл сайын Дубайда өтетін беделді марапаттау және салтанатты қабылдау рәсімі. Ол аймақтық және әлемдік деңгейдегі көрнекті тұлғаларды, ұйымдар мен компанияларды олардың жетістіктері мен қоғамның өмірін жақсартуға қосқан үлесі үшін беріледі.
Фото: instagram.com/kudaibergenov.dimash
