Қаладағы білім саласына, оның ішінде спортқа көп көңіл бөліп жүрген қала әкімі бүгін білім басқармасы басшысының есебін тыңдап, «Шымкент Жастар Лигасы» жарысының өтілу барысымен танысты.
Жалпы, жастардың бос уақытын тиімді пайдалану, салауатты өмір салтын насихаттау, бұқаралық спортты дамыту мақсатында осы жылдың наурыз-маусым айлары аралығында «Шымкент Жастар Лигасы» жарыстары спорттың 4 түрінен (футбол, волейбол, баскетбол, шахмат) өткізілуде.
Әр ауданға қарасты мектептер төрт топқа бөлініп, өзара сынасып, топ жеңімпаздарын анықтайды. Аудандардағы ойындардан соң өз тобынан жеңімпаз болып шыққан 16 мектептің командалары мамыр айында1/8 финалда ойындарды жалғастырады. Баскетбол, волейбол, футбол жарыстарының жеңімпаздары маусым айында Қала күні мерекесінде марапатталады.
Ал шахмат жарысы қыркүйек айында бастау алады. Сонымен бірге, өз мектебінің командасына жігер беріп, рухын көтеру мақсатында мектеп жанынан фан-клубтар құрылды.
–Пандемия денсаулық қадірін ұғындырды. Перезидент тапсырмасына сәйкес қалада бұқаралық спортты дамытуымыз керек. Бұл мақсатта қолға алынған Жастар Лигасының маңызы зор. Жастар арасында спортты дәріптеуді одан әрі жетілдіре түсу қажет,– деді қала басшысы.
Байланысты жаналықтар
MalimBlocks
