Қазақстандық оқушылар олимпиадаларда үздік атанды

Malim Админ

  • 29.07.2023

 Қазақстанның білім саласындағы даму көрсеткішін, бәсекеге деген әлеуетін – халықаралық дәрежедегі олимпиадалар да анықтайды. Бұл ретте еліміздің жалпы білім беретін оқу ошақтарының  қол жеткізген нәтижесі көңіл қуантарлықтай.  Оған мемлекет тарапынан зор қолдау көрсетіліп, қажетті деңгейде ынталандыру жұмыстары жүргізіліп келе жатқаны сеп. Еселі еңбек бар жерде табыс болатыны айдан анық.   Мәселен, екі жыл бұрын 31 шәкіртіміз 26 медаль олжаласа, 2022 жылы 31 оқушы 27 медальді қанжығасына байлаған. Осы жылы да сол шамада оқушылар бақ сынап, зор жетістікке жетіп үлгерді.  

Зияткерлік сайыстар тіл білімі, информатика, биология, физика, химия, жағрафия, математика сынды пәндерді қамтиды.  Осы айда еліміздің намысын қорғауға аттанған шәкірттер халықаралық олимпиадаларда топ жарып, маңдайы жарқырап мәреден келді. Сондай аламанның бірі Біріккен араб әмірліктерінде биологиядан жалауын желбіреткен болатын. 34-ші рет ұйымдастырылып отырған бәсекелі жарысқа дүние жүзінің 80-ге тарта елінен 300-ден астам жас талап иесі шеберлік байқасқан еді. Ұлттық құрама команданың сапында төрт үкілі үміткеріміз додаға қосылған болатын. Қазақстандық өрендерге 2 күміс және қос қола медаль бұйырды. Бақдәулет Ерназарұлы мен Дінмұхамед Омаров күміске қол жеткізсе, қоланы Амангелді Ислам, Ғалымжан Бақтыбаев иеленді. Білім сайысына әлемнің әр жерінен келген 15-21 жас шамасындағы білімпаз оқушылар қатысып, қарым-қабілетін ортаға салды.  

Еліміздің талантты шәкірттері көбіне химия, информатика, есеп пәндерінен алдына жан салмай келеді. Жақында 30 жылдық тарихы бар «Туймaaдa»  олимпиадасында біздің өрендер биіктен көрініп, 33 медальді уысына түсірді.  Әлемнің екі жүзден астам елінің оқушыларын бір арнаға тоғыстырған додаға Қазақстанның түкпір-түкпірінен 80 шәкірт қатысты. Алған марапаттың жалпы мөлшеріне келсек, оның 4-уі алтын, 14-і күміс болса, қола медаль 14-ті құрады. Осылайша отандық озаттар ел атын шығарып, мықтылықтарын әлемге әйгіледі.

Айдың басында олимпиадаларда бақ сынап, жоғары нәтижеге жеткен 100 озық мектептің рейтингі шыққан-ды. Тізімді жасақтау үшін өткізілген бәсекеге 314 білім беру мекемесі қосылған. Алғашқы үздік үштікті Алматы, Астана, Атырау қалалары түйіндеп тұр.         

Байланысты жаналықтар

Қазақстанда 945 752 теңге зейнетақы алатын адам тұрады

24.06.2024

Грекиядағы өрт: СІМ ұсталғандардың арасында қазақстандықтар жоқ екенін мәлімдеді

24.06.2024

Тәуелсіздік алғалы қанша қандас елімізге оралды

24.06.2024

Әмір Маймұратов Олимпиада жолдамасын иеленді

23.06.2024

Жетісайда білім бөлімі қызметкерлері мемлекеттің 4 млрд теңгесін жеген

22.06.2024

Биыл қандай мамандыққа көп грант бөлінетіні белгілі болды

20.06.2024
MalimBlocks
Қазақстанда 945 752 теңге зейнетақы алатын адам тұрады

БЖЗҚ Қазақстандағы ең жоғары зейнетақы мөлшерін мамыр айында да айтқан.

Грекиядағы өрт: СІМ ұсталғандардың арасында қазақстандықтар жоқ екенін мәлімдеді

Бұған дейін шетелдік БАҚ-та Грекияның Гидра аралында яхтада демалған қазақстандық туристер өрттің шығуына себеп болды деген ақпар тараған.

Тәуелсіздік алғалы қанша қандас елімізге оралды

Білім деңгейі бойынша еңбекке жарамды жастағы қандастардың 16,9 пайызы жоғары білімі, 22,6 пайызы арнайы орта білімі, 55,3 пайызы жалпы орта білімі және 5,2 пайызы білімі жоқ.

Әмір Маймұратов Олимпиада жолдамасын иеленді

Ол Парижге спорттық құзға өрмелеуден барады

Жетісайда білім бөлімі қызметкерлері мемлекеттің 4 млрд теңгесін жеген

Облыстық поркуратура істің мән-жайын тексеріп жатыр

Биыл қандай мамандыққа көп грант бөлінетіні белгілі болды

Бұл туралы Ғылым және жоғары білім министрлігінен мәлім етті